Шерзат іс бойынша сот алдындағы тыңдау күні белгілі болды

Талғарда қаза тапқан Шерзат Болаттың өліміне қатысты қылмыстық іс бойынша сот алдындағы тыңдау күні анықталды. Бұл туралы іс бойынша жаңа қорғаушы Мейірман Шекеев бұл ақпаратты Orda.kz тілшісіне растады.

Мейірман Шекеевтің айтуынша, талап-арыз сомасы нақты белгіленген жоқ.

«Иә, біз азаматтық талап-арыз береміз және ол барлық күдіктілерге қатысты. Қылмыс хабарламау бабы бойынша айтыпталған жасөспірімге қатысты талап-арызды беру туралы Қаржаубаймен ақылдасып шешеміз. Біз нақты соманы әлі бекітпедік», – деді адвокат.

Сонымен қатар, адвокаттың айтуынша, қылмыстық іс бойынша сот алдындағы тыңдау 10 сәуір күні Талдықорған қаласында қылмыстық істер жөніндегі мамандандырылған сотта өтеді. Талдықорғанда өту себебі – күдіктілердің көпшілігі сондағы уақытша ұстау изоляторында қамауда отыр.

Айта кетейік, бұған дейін Шерзаттың ісіндегі жаңа адвокаттардың есімдері мен соттың өтетін орны туралы Orda.kz жазды. Бұған дейін бұл істі басқа адвокаттар жүргізгенімен, кейін қорғаушылар ауысты. Жаңа адвокаттар іске қатысты барлық материалдармен толық танысып, сот процесіне дайын екендерін мәлімдеді. Қылмыстық іс 26 наурызда Алматы облысының қылмыстық істер жөніндегі мамандандырылған ауданаралық сотына түсті.