Шегірткеге қатысты жағдайды көрші мемлекеттермен бірлесіп бақылаймыз - Бектенов

Қазақстан көршілерімен бірге шегірткеге қатысты жағдайды бақылап отырғанын премьер-министр Олжас Бектенов мәлімдеді, деп хабарлайды Orda.kz.       

«Қазіргі уақытта Өзбекстан, Қырғызстан, Ресей және Қытаймен фитосанитария саласындағы ынтымақтастық туралы келісімдерге қол қойылды. Қол жеткізілген уағдаластықтар шеңберінде тұрақты онлайн-консультациялар мен шекарада бірлескен инспекция жүргізіледі. Биылғы жылдың мамыр айында Өзбекстан Республикасымен шекаралас аумақтарда мароккандық шегіртке тәрізді зиянкестердің ошақтары анықталған жоқ. Қырғызстанмен оңтүстік өңірлерге, Ресей Федерациясымен солтүстік және шығыс облыстарға мониторинг жүргізілуде. 2025 жылдың маусымына батыс және солтүстік өңірлерде бірлескен іс-шаралар жоспарланған», - деп хабарлады Бектенов мәжіліс депутаттарының сауалына жауап бере отырып. 

Негізінен карантиндік жәндіктердің көші-қон қаупін ескере отырып, мемлекетаралық мониторинг көрші елдердің ұлттық карантиндік қызметтерімен бірлесіп тұрақты негізде жылда жүзеге асырылады.

Былтыр осы  шегірткенің таралуына қарсы күрес жөніндегі  орталық жедел штаб құрылып, оның отырысында Премьер-Министрдің орынбасары Серік Жұманғарин сөз сөйледі. 

2021 жылы тіпті шегірткемен күреске  екі миллиард теңге жұмсалған болатын.