Шегірткемен күреске екі миллиард теңге жұмсалады

Қазақстан мен Ресейдің Ауылшаруашылық министрліктері шекаралас аудандардағы шегірткеге қарсы зиянкестермен күресу бойынша кеңес өткізді. Биыл шегірткемен күресуге екі миллиард теңге бөлінгені атап өтілді.

Екі бөлімнің кездесуі бейнеконференция режимінде өтті. Олар ауылшаруашылық зиянкестерімен күресу жоспарларымен алмасып, осы бағыттағы одан әрі ынтымақтастықты талқылады.

Агроөнеркәсіптік кешендегі мемлекеттік инспекция комитетінің төрағасы Алмабек Марс ресейлік әріптестеріне:

«2020 жылы Қазақстанда 515 мың гектар алқапта шегірткеге қарсы шаралар жүргізілгенін және биыл зиянкестердің 640 мың гектарда таралуы күтілуде»,- деп хабарлады.

Ол, сонымен қатар, шегірткемен күресу үшін республикалық бюджеттен 2 миллиард теңге бөлінгенін айтты. Бұл қаражат пестицидтер сатып алуға және бүкіл болжанған аумақты химиялық өңдеу қызметтерін көрсетуге жеткілікті.

Қазір зиянкестердің таралу ошақтарын анықтау және химиялық өңдеулер жүргізу бойынша жұмыстарды уақтылы бастау үшін дайындық шаралары аяқталуда.

2021 жылы Ресейде 590 мың гектарға жуық шегіртке зиянкестеріне қарсы қорғаныс шараларын жүргізеді деп болжанғанын атап өткен жөн.

Онлайн-отырыс нәтижесінде шегіртке зиянкестерінің Ресей мен Қазақстанның шекаралас аймақтарына таралуын болдырмау бойынша 2021 жылға арналған бірлескен іс-шаралар жоспарына қол қойылды.