Шавкат Рахмоновтың әкесі қайтыс болды

Шавкат Рахмонов әкесінен 2 тамызда айырылған. Ол 66 жасында қайтыс болған, деп хабарлайды Orda.kz.

Шавкат Рахмонов әкесінің қайтыс болғаны туралы әлеуметтік желідегі парақшаларында ақпарат жарияламаған.

«Иә, бұл рас. Әрине, мұндай жағдай болғаны өкінішті. Бірақ бәріміз пендеміз, әр адамның дүниеге келетін және өмірден өтетін кезі бар. Шавкаттың әкесі қайтыс болды, жер қойнына тапсырылды»,– деп Рахмоновтың жаттықтырушысы Эдуард Базров Tengri Sport тілшісіне хабарлады.

Шавкат Рахмонов әкесінің қайтыс болғаны туралы әлеуметтік желідегі парақшаларында ақпарат жарияламаған.

Еске салайық, қазақстандық танымал MMA файтері 2024 жылғы 8 желтоқсанда өткен UFC 310 турнирінен кейін октагонға шыққан жоқ. Сол жекпе-жекте ол ирландиялық Иэн Гэрриді төрешілердің бірауыздан қабылдаған шешімімен жеңген.

Содан бері Шавкатты октагонға қайта оралуына кедергі келтіріп жүрген жарақаттар мазалап келеді. Соңғы мәлімет бойынша, Рахмонов UFC-дегі келесі жекпе-жегін 2027 жылдың басында өткізуді жоспарлап отыр.

Сонымен қатар Шавкаттың жұбайы Гүлайым Рахмонова Жамбыл облысында адам өліміне әкелген жол-көлік оқиғасынан кейін бес жылға бас бостандығынан айырылған. Алайда оның кішкентай бала тәрбиелеп отырғанын ескеріп, жазаны орындау бес жылға кейінге шегерілген.

Оқи отырыңыз:

• Нұрай Серікбайдың өлімі үшін 10 млрд теңге өтемақы: Марқұмның ағасы отбасы талабын түсіндірді
• Еліміздің көп өңіріне +44 градусқа дейінгі аптап ыстық қайта оралады