Серік Сәпиев Қазақстан бокс федерациясы президентінің кеңесшісі атанды

Олимпиада чемпионы Серік Сәпиев Қазақстан бокс федерациясы президентінің кеңесшісі лауазымына тағайындалды, деп хабарлайды Orda.kz. 

Федерация мәліметінше, Сәпиев федерация президентінің боксты дамыту жөніндегі кеңесшісі қызметін атқарады.

«Қазақстан бокс федерациясы президентінің боксты дамыту жөніндегі кеңесшісі қызметінде Серік Сәпиев бокс құрамалары нәтижесін жақсарту, спорт түрін дамыту бойынша жүйелі жұмыс пен Олимпиада ойындарындағы жоғары жетістік жолында жұмыс атқарады» деп жазды Қазақстан бокс федерациясы. 

Айта кетейік, бұған дейін Серік Сәпиев Қарағанды облысының дене шынықтыру және спорт басқармасының басшысы болған еді. Самбо және жауынгерлік самбодан Азия және әлем чемпионы Дәурен Есімханов арасында төбелес болып, кейін екеуі де өз еріктерімен қызметінен кеткен еді.

Оқи отырыңыздар:

• Енді атыраулықтар Ташкентке тікелей ұша алады
• Өскеменде полиция қызметкерін атып кеткен күдіктілер ұсталды
• Тағы бір танымал блогерге халықаралық іздеу жарияланды