Сенада триатлон ойынын өткізуге рұқсат берілді

Олимпиада ойыншылары бір күнге кешігіп триатлон жарыстарын бастау үшін алғаш рет Сена өзеніне түсті.

Бұл туралы Халықаралық Олимпиада комитеті (ХОК) хабарлады.

Жарысты әйелдер бастады, одан кейін ерлер жалғастырды.

Бұған дейін Сенадағы су сапасының нашарлығына байланысты оқу-жаттығулардан бас тарту және триатлон жарыстарын кейінге қалдыру туралы шешім қабылданған болатын.

Париждегі Олимпиада ойындарын ұйымдастырушылар Сенада триатлон жарыстарын өткізуге рұқсат алды.

 
30 шілде күні таңертең басталуы тиіс ерлер арасындағы триатлон жарысы 31 шілдеге шегерілген болатын. Бұл шешім Франция астанасында жұма және сенбі күндері болған жаңбырдан кейін өзендегі судың ластануына байланысты қабылданды. Дәл осы себеппен жексенбі және дүйсенбі күндері Сенада жүзу жаттығулары тоқтатылды.

«Жергілікті уақыт бойынша сағат 3:20-да алынған суды сынаудың соңғы нәтижелері Дүниежүзілік триатлон бойынша жарысты жалғастыруға мүмкіндік беру үшін сәйкес деп танылды» делінген ұйым мәлімдемесінде.

Осыған орай, әйелдер арасындағы триатлон жарысы бүгін Астана уақыты бойынша сағат 12:00-де, ал ерлер арасындағы триатлон жарысы 14:45-те басталады.

Еске салайық, бұған дейін Париж мэрі Анн Идальго жарыс өткізу қауіпсіз екенін көрсету үшін Сенада жүзіп шыққан болатын.