Париж мэрі тексерген Сена өзені Олимпиадаға дайын емес

Париж Олимпиадасында Сенадағы судың ластануына байланысты триатлоншылардың жаттығулары тоқтатылды.

Олимпиаданы ұйымдастыру комитеті, Дүниежүзілік триатлон федерациясы және Франция астанасының билігі өзен суының сапасы жаттығуларға «тиісті кепілдік» бермейді деп мәлімдеді.

«Бұл алдыңғы екі күнде жауған нөсер жаңбырмен түсіндіріледі. 28 шілде триатлоншылардың алғашқы жаттығуы тоқтатылды. Ұйымдастырушылар жарыстың 30 шілдеде басталуына дейін жақсарады деп күтеді. Сенаны тазалауға 1,4 миллиард еуро жұмсалған» деп мәлімделді. 

17 шілде Париж мэрі Анн Идальго Сена өзенінің жарысқа жарамдылығын көрсету үшін өзі шомылған. Жаздың жауын-шашынды болуына байланысты Ойындар қарсаңында жүргізілген тұрақты тексерулер өзенде қауіпті бактериялардың деңгейін анықтады. Олимпиаданың басталуына санаулы күндер қалғанда су сынамалары қауіпсіз деп танылды.