Семейде жарыстан қайтқан Азия чемпионы жол апатынан опат болды

2 қараша күні Омбы – Майқапшағай тас жолында спортшылар мінген көлік апатқа ұшырады. Астанадан жарыстан қайтқандардың көбі ұйымдастырушылар жалдаған автобуста отырған. Ал бір бөлігі жаттықтырушының көлігіне мінген. Қаза тапқан спортшылардың жаттықтырушысы команданың бір бөлігі неге оның көлігінде отырғанын түсіндірді, деп хабарлайды Orda.kz.

Астанадағы жарыстан Семей қаласына оралған жаттықтырушы мен спортшылар мінген Toyota Avensis көлігі жүк көлігіне соғылған. Жарысқа қатысушылардың үшеуі сол жерде қаза тапты. Олардың арасында 19 жастағы Азия чемпионы да болды. Ал жаттықтырушы ауыр жағдайда ауруханаға жеткізілді.

Жаттықтырушының айтуынша, федерация барлық шығындарды өтеген. Ал автобусты олар өздері жалға алған. Жарысқа қатысушылардың көп болуына байланысты үш спортшыны жаттықтырушының көлігіне отырғызуға тура келген. 

Абай облысында жол апатынан қаза тапқан үш студенттің бірі Нұрмағанбет Тұрарбектің туыстары қайғылы оқиғаға жарыстың ұйымдастырушыларын кінәлап отыр. Марқұм спортшының ағасы жарыстың ұйымдастыру деңгейі өте нашар болды деп есептейді.

Марқұмның ағасы үш студент «Мерседес спринтермен» қайтқанда жол апатына түспей, аман қалуы мүмкін еді дейді. Бауырынан айырылған жігіт ұйымдастырушылар ақша үнемдеу мақсатында чемпионаттың қатысушыларын қондырмай, түн ішінде трассаға шығуға жол бергенін айтты. 

Еске сала кетсек, Қаңтар оқиғасына қатысты іс бойынша апелляция соты үкімді өзгеріссіз қалдырды. Дикий Арман мен оның серіктерінің жазасы жеңілдетілмеді.