Семейде студент жігіт балаларды зорлағаны үшін өмір бойына сотталды

Семейде заң факультетінің студенті екі кәмелетке толмаған баланы зорлағаны үшін сотталды, деп хабарлайды Orda.kz. 

Тергеу мәліметтері бойынша, жігіт 2022 жылы және 2025 жылдың қаңтарында 12 және 13 жастағы жас балаларға қатысты қылмыс жасаған. Айыпталушы бірінші қылмысты жасаған кезде 18 жаста еді. Сотта студент өз кінәсін мойындамай, өзін ақтауды өтінді. 

Кәмелетке толмаған адамдарға қатысты зорлық-зомбылық жасағаны үшін ер адам өмір бойына бас бостандығынан айырылды. Үкім заңды күшіне енген жоқ.

Айта кетейік, Аягөзде жүргізуші куәлігі жоқ 21 жастағы жігіт 6 жастағы баланы көлікпен қағып өлтірді.