Аягөзде жүргізуші куәлігі жоқ 21 жастағы жігіт 6 жастағы баланы көлікпен қағып өлтірді

Аягөзде жүргізуші куәлігі жоқ 21 жастағы жас жігіт алты жастағы баланы көлікпен қағып өлтірді, деп хабарлайды Orda.kz.

Полиция алдын ала тергеуді бастады.

«Жүргізуші Аягөз аудандық полиция бөліміне жеткізілді. Қажетті процессуалдық әрекет жүргізіліп, ол уақытша ұстау изоляторына қамалды. Алдын ала мәліметтер бойынша, 21 жастағы жүргізушінің көлік құралын басқару құқығы болмаған. Кәмелетке толмаған жаяу жүргіншіні қағып кеткен»,  деп мәлімдеді полиция департаменті.

Бала ауруханада қайтыс болды.

Естеріңізге сала кетсек, 19 тамызда Үржар ауданында автокөлік ойнап жүрген балаларды қағып , үш бала қайтыс болды. Қалған үшеуі ем қабылдап жатыр.