Сарыағашта даун диагнозы бар баланы ұрған маман жұмыстан қуылды

Түркістан облысының Сарыағаш ауданындағы «Ақылды бала» түзету орталығында балаға күш көрсеткен маман жұмыстан қуылды, деп хабарлайды Orda.kz. 

Оқиғаның мән-жайын облыстық білім басқармасы анықтап, маманды жұмыстан босату туралы шешім қабылдағанын хабарлады. Ведомствоның мәліметінше, баланың анасы қызметкерге кешірім берген. Бірақ басқарма оның әрі қарай жұмыс істеуі орынсыз екенін мәлімдеді.

13 жастағы Еркебұлан Жақыбай – даун диагнозы бар оқушы. Ол Сарыағаш қаласындағы «Ақылды бала» оңалту орталығына барады. Бұған дейін әлеуметтік желіде сурет пәнінен сабақ беретін мұғалімнің Еркебұланды аяғынан ұстап сүйреген бейнежазбасы тараған еді. 

Айта кетейік, Түркістан облысында мүгедек жігітті бір топ құрдасы пышақтап өлтірген еді.