Сарбаз оқпанда қалған пулемет оғынан қаза тауып, офицер 4 жылға сотталды

Іс материалдарына сәйкес, 2025 жылғы 23 қыркүйекте қаруға техникалық қызмет көрсету кезінде пулеметтен абайсызда оқ атылып, салдарынан қатардағы жауынгер Ә.Сейітқали қаза тапқан, деп хабарлайды Orda.kz.       

Тергеу барысында батальон командирінің орынбасары қарумен жұмыс істеп жатқан кезде қауіпсіздік талаптарының сақталуы қамтамасыз етілмегені анықталды. Атап айтқанда, атыс жаттығуларынан кейін қаруды толық тексермеген. Салдарынан оқпан ішінде оқ қалып қойып, соңы қайғылы оқиғаға әкелген.

Полиция аталған оқиғаға қатысты ресми мәлімдеме жасады.

«Техникалық оқиға болған жерде жақын маңда жүрген бөлім қызметкерлеріне дер кезінде медициналық көмек көрсетілді. Қазіргі уақытта қызметтік тексеру жүргізілуде. Қызметкерлердің біразы зардап шеккені және олардың ауыр жағдайда екені туралы ақпарат шындыққа сәйкес келмейді. Азаматтарды расталмаған мәліметтерді таратудан бас тартуға шақырамыз және жалған ақпарат таратқаны үшін жауапкершілік қарастырылғанын еске саламыз» деп жазылған хабарламада. 

Офицер Қылмыстық кодекстің 453-бабының 2-бөлігі бойынша — ауыр зардаптарға әкеп соққан қызметке салғырт қарау фактісімен кінәлі деп танылды. Сот жауапты офицерді ауыр зардаптарға әкеп соққан салғырттық жасағаны үшін кінәлі деп танып,  4 жылға бас бостандығынан айыру жазасына кесті.

Үкім әзірге заңды күшіне енген жоқ.

Оқи отырыңыз:

• Отарда сарбаз соққыға жығылды: Бірнеше командир қызметінен кетті
• Ұлттық ұлан сарбаздары Абайдың 50 өлеңін жатқа айтып, жұртты сүйсіндірді
• Оқиға орнында қаза тапты: Әскери бөлімдердің бірінде сарбаз қаза тауып, екіншісі жараланды