Санкциялардың төмен тәуекелі - S&P Қазақстанның экономикалық болжамын тұрақтыдан көтерді

 S&P халықаралық рейтингтік агенттігі қайталама санкциялардың төмен тәуекелін атай отырып, Қазақстан Республикасының болжамын тұрақты деңгейден оң деңгейге жақсартты, деп хабарлайды Orda.kz.

Рейтинг деректерін Ұлттық экономика министрлігі ұсынды.

«2025 жылғы 22 тамызда S&P рейтинг агенттігі «BBB-» деңгейін растай отырып, тәуелсіз кредиттік рейтинг шеңберінде Қазақстан Республикасының болжамын «Тұрақты» деңгейден  «позитивті» деңгейге жақсартты. Агенттіктің шешімі жаңа бюджет және салық кодекстерін қабылдауды қоса алғанда, институционалдық және экономикалық реформаларды іске асырудағы елдің тұрақты ілгерілегенін көрсетеді»,  деп атап өтті министрлік.

 S&P пікірінше, неғұрлым қатаң фискалдық ережелерді енгізу кіріс базасын ауқымды кеңейтумен бірге бюджет тапшылығын қысқартуға және орта мерзімді перспективада мемлекеттік борыш деңгейінің тұрақтылығын сақтауға көмектеседі.

«Агенттік Қазақстан үшін қайталама санкциялар салу қаупін төмен деп бағалайды»,  деп толықтырды ҰЭМ.

Бұдан басқа, S&P Қазақстанның сыртқы нетто-кредитор ретіндегі ұстанымы сыртқы қарыздың төмен деңгейінің және халықаралық резервтер мен Ұлттық қор активтерінің едәуір көлемі арқасында берік болып қалатынын атады.

Болжамның жақсаруы Қазақстанның экономиканы ырықтандыру және әртараптандыру бойынша жүргізіп жатқан реформаларымен де байланысты. Талдаушылар Ұлттық инфрақұрылымдық жоспарды және экономиканы жаңғырту жөніндегі басқа да шараларды іске асыру мұнай кірістеріне тәуелділікті біртіндеп төмендетуге және мұнай емес түсімдердің өсуіне ықпал етеді деп күтеді.

«BBB-» рейтингі қалыпты тәуекелдері бар кредиттік қабілеттіліктің инвестициялық деңгейін білдіреді, бұл елдің өзінің қаржылық міндеттемелерін орындау қабілетін көрсетеді, бірақ бұл ретте ол неғұрлым жоғары рейтингі бар қатысушылармен салыстырғанда қолайсыз экономикалық оқиғаларға неғұрлым сезімтал.

Шілде айында Fitch Ratings халықаралық рейтингтік агенттігі қайталама санкциялардың төмен тәуекелін растады және Қазақстанның кредиттік рейтингін тұрақты болжаммен BBB деңгейінде растады.

Былтырғы ҚР Ұлттық банк жүргізген зерттеу нәтижесіне қарасақ, қазақстандықтар тапқан табысының 61%-ын азық-түлікке жұмсайды. Талдау елдің тұрмыстық жағдайының нашарлағанын көрсетті. Шетелге жұмыс үшін кетіп жатқан жастар баршылық. Олар тек Еуропа емес, Азия елдеріне де кетіп жатыр. Кейбірі сол жақта осы азамат секілді қаза болып, болмаса депортациямен елге оралып, ал кейбірі сол жаққа көшіп, тұрақтап қалып жатыр.

31 мамырда біз Қазақстан экономикасында не дұрыс емес және оған қалай көмектесуге болады деген сұрақтарды талдаған Halyk Finance сарапшыларының пікірін берген болатынбыз.