Сайранда 18 жастағы жігіт суға батып кетті

Сайран көлінің батыс жағалауында 18 жастағы жігіт суға кетті, деп хабарлайды Orda.kz.

Оқиға жайлы бізге оқырмандар хабарлады.

«Батыс жағалауда мәйіт жатыр. Бәрін қоршап тастаған» деп жазды куәгерлер.

Оқиға орнында полиция қызметкерлері мен құтқарушылар жұмыс істеп, іздестіру шаралары да жүріп жатыр.

«Су ішінде кәмелетке толмаған екі жасөспірімнің болғаны анықталды. Олардың бірі өз күшімен жағаға шыққан. Ал екіншісінің тағдыры әзірге белгісіз, деп жазылған хабарламада.

Ресми түрде Сайран көлінде шомылу маусымы әлі басталмағанымен, суға түсіп жүрген ересектер мен балаларды көзіміз шалды. Жақында көл жағалауы абаттандырылды. Тіпті әжетханалар да қойылған (әзірге істемейді). Алайда шомыламын дегендерге ең басты мәселе – судың тазалығы болып тұр. Көлге және оған құятын Үлкен Алматы өзеніне түрлі лас нәрселерді төгіп, қоқыстарды тастағандықтан Сайрандағы су сапасы бұрынғыдан да нашарлап кеткен.

Әдеттегі және бұған дейінгі жөндеу жұмыстарын жасағанда билік өкілдері суды ластауға жол бермейміз деп уәде берген еді. Orda.kz тілшісі өзеннің бойымен жүріп, бұл уәденің қаншалықты орындалғанын тексеріп көрді. Толығырақ материалымыздан оқыңыз.