Саакашвилидің қамаудағы мерзімі тағы төрт жарым жылға ұзарды

Тбилисидегі сот Грузияның экс-президенті Михаил Саакашвилиге жаңа үкім шығарды, деп хабарлайды Orda.kz. 

Еске салайық, 12 наурызда Грузияның экс-президенті бюджет қаражатын ірі көлемде ысырап еткені үшін кінәлі деп танылған. Оған сот 9 жылға бас бостандығынан айыру туралы үкім шығарған. Михаил Саакашвили енді тағы бір қылмысы үшін жауап береді. 2007 жылғы 7 қарашадағы шекараны заңсыз кесіп өту туралы сот процестері мәресіне жетті. 

Сот оны шекараны заңсыз кесіп өткені үшін кінәлі деп тауып, төрт жарым жылға бас бостандығынан айырды.

Судья Михаил Джинджолия жаңа шешім қабылдады. Саакашвили сотқа қатысып, соңғы сөз сөйлегісі келді. Бірақ оған тіпті қашықтықтан да қатысуға рұқсат берілмеді. Бұрынғы президенттің адвокаттары бұл шешімнің себебін білмейтіндерін айтты.