Экс-президент мемлекет қаражатын жымқырғаны үшін 9 жылға сотталды

Тбилисидегі сот Грузияның экс-президенті Михаил Саакашвилиді 9 жылға бас бостандығынан айырды, деп хабарлайды Orda.kz.

Грузияның экс-президенті бюджет қаражатын ірі көлемде ысырап еткені үшін кінәлі деп танылды. Шешімді Тбилиси қалалық сотының судьясы Бадри Кочламазашвили шығарды. Арнайы күзет қызметінің бұрынғы бастығы Теймураз Жанашия қызметтік өкілеттігін асыра пайдаланғаны үшін кінәлі деп танылып, 300 мың лари айыппұл төлейтін болды. Саакашвили мен Джанашия бұған дейін айыптауларды бірнеше рет жоққа шығарып, бұл процесс саяси сипатқа ие деп мәлімдеген еді. 

Айыптаушы тарап Саакашвили президенттік кезінде мемлекеттік қаражатты бас пайдасына істеткенін айтады. Кейбір деректерде экс-президент мемлекет қаражатына куртка, пальто сатып алғаны, ұлының оқу ақысын төлегені, косметикалық процедураларға ақша бөлгені айтылды.

Бас бостандығынан айыру мерзімі Михаил Саакашвили ұсталған сәттен бастап (2021 жылғы 1 қазан) есептеледі. Осылайша, үкімге сәйкес, ол 2030 жылдың 1 қазанында ғана бостандыққа шыға алады. Сондай-ақ оған қарсы 2007 жылғы 7 қарашадағы шекараны заңсыз кесіп өту туралы сот процестері әлі жалғасып жатыр.