Әлеуметтік желіде қазақстандық жұлдыздар түскен бейнежазба пайда болды. Қазір оны Алматыдағы мониторингтік топтардың бірі тексеріп жатыр, деп хабарлады Orda.kz.
Кадрлардан мереке жас жұбайлардың үйлену тойына арналғанын көруге болады. Іс-шараға қатысушылар арасында Роза Рымбаева, «МузАрт» тобының әншісі Сәкен Майғазиев және КешYOU тобының экс-әншісі Айдана Меденова болды.
Әнші Сәкен Майғазиев жас жұбайларға тілек айтып тұрып, коронавирус эпидемиясы туралы сөз қозғады.
– Жаман індет жерге енсін. «Сәуір болмай, тәуір болмайды» дейді. Сәуірден бастап тәуір күндеріміз бастала берсінші, – деді әнші видеода.
Әншілердің өздері видео «ескі болуы керек, есімде жоқ» деп, ауыз толтырарлық ештеңе айтпады.
Ресми департаменттің хабарлауынша, қазір Алматының Алмалы ауданының бақылау тобы бұл фактіні зерттеп жатыр.
– Қазір біз мекеме әкімшілігімен іс-шаралардағы бейнематериалдардың архивін зерттеу жұмыстарын жүргізіп жатырмыз, – деді мониторинг тобының өкілдері.
