Роза Рымбаева екі ұлынан бөлек тағы екі қызының бар екенін мәлімдеді

15 сәуір продюсер, актриса Құралай Анарбекованың кезекті “Періште”атты киносының жабық көрсетілімі өтті, деп хабарлайды Orda.kz.kz.

Жабық көрсетілімге арнайы шақырылған қонақтардың ішінде әнші Роза Рымбаева келіп, кино жайлы өз пікірін айтып, жоғары бағасын берді. Әншіні алғаш шақырғанда киноның аты таңқалдырған екен. Кинодан кейін Роза Рымбаева қоғамда осындай періште аналардың бар екенін айтып, өзі де дәл кинодағыдай екі қызды асырап алғандығын жасырмады. 

«Менің де басымнан сондай жағдай өткен. Күйеуімнің ағасы қайтыс болғанда, жеңгемнің екі қызын қолыма алып, өз балаларымдай өсірдім. Қазір олар бойжетіп, өз алдына отбасы құрды, балалы болды. Мені туған анасындай көреді», - деді Роза.

Сонымекн қатар, Роза кинодағы Құралайдың кейіпкері сияқты қиналмағанын жасырмады. Себебін «өйткені мен Роза Рымбаевамын ғой» деп әзілмен жалғастырды. 

«Осындай тағдырлар өмірде көп. Менің жанымда бірге келген досым да екі баланы алып, асырап отыр. Сондықтан бүгінгі күні осындай аналардың өмірін көрсететін фильм түсірілсе, ол нағыз шынайы, жүрекке жететін дүние болар еді. Себебі бұл — қиындыққа мойымай, баласы үшін өмір сүрген қазақ әйелдерінің шынайы тағдыры», - деді әнші.

Оқи отырыңыз: 

• Қостанайда блогер қатысқан төбелес: Полиция қылмыстық іс қозғады
• Оқиға орнында қаза тапты: Әскери бөлімдердің бірінде сарбаз қаза тауып, екіншісі жараланды