Астана резеңке емес: Дүйсенова елордаға көші-қон шектеуі туралы сөзін түсіндірді

29 тамызда Үкімет отырысында Еңбек және халықты әлеуметтік қорғау министрі Тамара Дүйсенова Астанаға мигранттар ағынын қандай да бір жолмен реттеу керек екенін мәлімдеді. 

Оның айтуынша,  елорда әкімдігінде бұл үшін қандай да бір тәсіл бар. Алайда, сол күні министр өз сөзінен өзі танып, теріске шығарып, «жұрттың дұрыс түсінбегенін» түсіндіруге асықты.

Ол Конституция бойынша азаматтардың ел ішінде еркін жүріп-тұруы шектелмейтінін атап өтті.

«Жұмыс тобы ешқандай шектеулер ұсынған жоқ, бұл қарастырылмаған. Бас жоспарға сәйкес, 2035 жылға қарай Астанада 2,5 миллионнан астам адам тұруы тиіс. Елорданың Бас жоспары инфрақұрылымды кеңейту мен осынша адамға баспана құрылысын жүргізуді көздейді», - деді Дүйсенова.

Ол мәселе гараждар мен тұрғын емес үй-жайларды тұрғын үй ретінде заңсыз жалға берген тұлғаларға жауапкершілікті күшейту туралы болып отырғанын атап өтті.

Мұндай үй-жайларды жалға алушылардың медициналық қызмет алуда, балаларды балабақша мен мектепке орналастыруда қиындықтар туады. Олар да тұрғылықты жері бойынша тіркеле алмайды. Саяжай үйлеріне келетін болсақ, оларға тимейді.

Мұндай пәтер иелеріне 25 АЕК көлемінде айыппұл салу ұсынылды, бірақ бұл мәселе бойынша да әлі түпкілікті шешім жоқ. Жұмыс тобы желтоқсан айында қандай да бір нұсқа ұсынбақ.

Дүйсенова барлық адамдардың өмір сүруіне және барлық мемлекеттік қызметтерді пайдалануына қолайлы жағдай жасау керектігін атап өтті.