Ресейліктердің Қазақстаннан әскери ұшақтарды ұрлағаны белгілі болды

Қазақстаннан ондаған ұшақ ұрланды. Дереккөздің мәліметінше, бұған тікелей Кремльдің қатысы бар, деп хабарлайды Orda.kz. 

Украиналық Defense Express басылымы ресейліктердің Қазақстаннан әскери ұшақтардың қалай ұрланғанын әшкереледі. Мақалада сипатталған оқиғалар 1992 жылы болған.

«Ресейліктер Қазақстаннан 40-қа жуық Ту-95МС ұшағын алдап-арбап алып кеткен. Сол кездегі Ресейдің қарулы күштеріндегі дәл осындай ұшақтар санынан Қазақстан ұшақтары 1,5 есе көп болған. Айта кету керек, бұл оқиға көпшілікке беймәлім болып қалған. Себебі ресейліктер ізін жасырып үлгерген» деп жазылған мақалада.

1992 жылы ақпанда Ресейде Ту-95МС бомбалаушы ұшақтарын сериялық өндіру тоқтатылған болатын. Оларды Құйбышев авиациялық зауытында құрастыратын. Бірақ ол кезде жаңа ұшақтар шығаратын ресурстар қалмаған еді.

Сол кезеңде Ресейдің қарулы күштерінің авиапаркінде 22-ден 27-ге тарта Ту-95МС ұшағы тұрды. Сондай-ақ, 45 Ту-95К-22 ұшағы (Х-22 зымырандарын тасымалдаушы) және жеті оқу-жаттығу мақсатындағы Ту-95К болған.

«Қызығы, сол кезде ең үлкен Ту-95МС атты 40 ұшақ дәл Қазақстанда болған. Оның 27-сі МС-16 нұсқасына (зымырандарды сыртқа орналастыруға болатын). Ал 13-і МС-6 нұсқасына (бомба бөліміне ғана орналастыруға арналған) ұшақтар еді. Біздің елде сол уақытта 21 Ту-95МС МС-6 нұсқасы болған» деп жазады авторлар.

Ол кезде Қазақстандағы барлық Ту-95МС ұшағы 79-шы ауыр бомбалаушы авиациялық дивизия құрамына кірген. Алайда Қазақстан бұл ұшақтарға толық бақылау жүргізе алмай, ол Мәскеудің пайдасына шешілген.

Еске сала кетсек, бұған дейін Orda.kz қазақстандық қыздарды Ресейдің соғыс дрондарын құрастыруға қалай шақыратыны жайлы жазған болатын.