Ресейлік БАҚ қазақ тарихшысын «Гитлерді ақтады» деп айыптады

11 қараша 2025 17:29 Аиша Алдаяр

Фото: ашық дереккөздерден

Ресейлік БАҚ «Қазақстанның жаңа тарихшылары: Гитлер қазақтарды кеңестік қырғыннан құтқарды» деген даулы тақырыппен мақала жариялады, деп хабарлайды Orda.kz.

Онда Қазақстанда «нацизмді ақтайтын идеялар таралуда» деген айыптар айтылған. Мақала авторлары Telegram-дағы Redkazakh арнасына сілтеме жасап, журналист Майя Бекбаеваның бағдарламасына қатысқан тарихшыны «Гитлерді насихаттады» деп көрсеткен.

Арна жазбасында «қазақстандық тарихшылар Германия соғысы қазақтарды Сталиннің коллективизациясынан сақтап қалды» деген пікір айтылғаны жазылған.

Алайда бұл — бұрмалау. Түпнұсқадағы «Қазақтар – қырғыз емес!» атты бейнежазбада ондай мәлімдеме жоқ. Тарихшы Марат Әбсеметов сұхбат барысында Сәкен Сейфуллиннің өміріндегі беймәлім деректерді, тарихтың ашылмаған беттерін, Алашорда қайраткерлерінің рөлін және тәуелсіз Қазақстанның негізін қалаған тұлғалардың тағдырын әңгімелейді. Оның сөзінде нацизмді ақтау жоқ, керісінше кеңестік жүйенің зұлматы мен ұлттың аман қалу тарихы айтылады.

Тарихшының бір ғана ойы контекстен жұлынып, мүлде басқа мағынада көрсетілген.

«Бір майдангердің сөзі есімде: егер 1941 жылғы соғыс болмағанда, қазақ халқы аштықтан не қуғыннан қырылар еді. Қанша ауыр естілсе де, соғыс басталғанда бәрі майданға кетіп, елде бір сәт тыныштық орнағандай болды», – деді Әбсеметов.

Еске сала кетейік, Қазақстанның бұрынғы премьер-министрі Әкежан Қажыгелдин 2007 жылы әкесінің қазасына байланысты елге жасырын келгенін мәлімдеді.

Жаңалықтар

барлық жаңалықтар