Ресейдің Рязань ауданында 11 адам қиранды астында қалды

Ресейдің Рязань облысында 18 тамызда Шилов ауданындағы кәсіпорында болған қайғылы оқиғаға байланысты бір күндік аза тұту жарияланды, оқиға салдарынан 11 адам қаза тауып, тағы 130 адам зардап шекті, деп хабарлайды Orda.kz.       

Бұл туралы жұртшылыққа өңір губернаторы Павел Малков хабарлады.

«Шилов ауданының Лесной кентіндегі оқиға орнында іздестіру-құтқару жұмыстары жалғасуда. Зардап шеккен 130 адамға медициналық көмек көрсетілді, оның ішінде 29 адам ауруханаға жатқызылды» деп жазылған аймақтың жедел штабының хабарламасында. 

Қазіргі уақытта 13 пациент Рязань ауруханаларында, 16-сы Мәскеудің федералдық медициналық орталықтарына ауыстырылды. Құтқарушылар ТЖ салдарын жоюды жалғастыруда.

«ТЖ режимі жарияланды, оқиға болған жерге кіруге тыйым салынды», деп хабарлайды жедел штаб. 

Төтенше жағдай кәсіпорынның Шилов ауданындағы цехтарының бірінен шыққан өрттен болған, деп хабарлады штабтың баспасөз қызметі.

Ал елімізде футболдан Қазақстан чемпионатының жасөспірімдер арасындағы ойыны ойыншылар арасындағы жаппай жұдырықтасумен аяқталды. Салдарынан төреші ойынды мерзімінен бұрын тоқтатты.