«Ресейдің Еуропаны басып алатын шамасы жоқ»: АҚШ барлауының басшысы

АҚШ Ұлттық барлауының директоры Тулси Габбард БАҚ-тағы Ресей президенті Владимир Путиннің Украинаны ғана емес, Еуропаны да басып алатын жоспары бар деген хабарды жоққа шығарды, деп хабарлайды Orda.kz.

Бұл туралы ол Х. әлеуметтік желісінде жазды.

«Кейбір соғысты жақтаушылар және олардың насихат құралдары президент Трамптың Украинадағы, яғни Еуропадағы бейбітшілікті орнатудағы күш-жігеріне тағы да нұқсан келтіріп, «АҚШ-тың барлау қауымдастығы» Еуроодақтың/НАТО-ның Ресейдің мақсаты Еуропаға басып кіру және оны басып алу (өзінің әскери саясатын қолдауды ынталандыру мақсатында) деген жалған сөз таратуға тырысуда», - деп есептейді Габбард. 

Оның айтуынша, шын мәнінде АҚШ барлауы «Ресейдің Еуропаға басып кіруді айтпағанның өзінде тіпті Украинаны басып алуға мүмкіндігі жоқ» деп есептейді.

Еске салсақ, бұған дейін Reuters агенттігі Ресей президенті, американдық барлау қызметінің баяндамасына сәйкес, бейбітшілік орнату ниеті туралы жария мәлімдемелерге қарамастан, Украинаның бүкіл аумағына бақылау орнатуға тырысатынын жазған болатын.

Агенттік сұхбаттасушыларының айтуынша, американдық барлау құрылымдарында да Путин бұрын КСРО құрамына кірген республикалар - Латвия, Литва және Эстонияға Мәскеудің бақылауын қайта орнатпақ деп есептейді. Олардың дереккөздің айтуынша, соңғы тиісті баяндама қыркүйек айының соңында дайындалған.

Reuters дереккөздерінің деректері бойынша, америкалық барлаудың қорытындылары көбінесе еуропалық арнаулы қызметтердің бағалауымен сәйкес келеді.

 
Қыркүйек айында АҚШ президенті Дональд Трамп Ресей көшбасшысы Владимир Путинге қатысты төзімінің таусылуға жақын екенін мәлімдеді. 

Трамп Путин туралы: «Сабырым сарқылса қатаң әрекет етуге мәжбүр боламыз».

Путин Тоқаевқа әкесіне арналған Кеңес Одағының батыры атағын беретін марапат қағазын тапсырды.