«Ресей заңнаманы бұзды»: Қазақ жерін зарлатқан полигонға не болмақ?

Қазақстан экология және табиғи ресурстар министрлігі Orda.kz сауалына жауап беріп, Ресей Федерациясына жалға берілген әскери полигондар орналасқан Батыс Қазақстан облысында экологиялық заңнаманың бұзылғанын растады.

«2023 жылғы қыркүйекте экология департаменті жүргізген тексеру нәтижесінде 929-шы Мемлекеттік ұшқыш-сынаушы орталығы мен 4-ші Мемлекеттік орталық аралас полигоны объектілерінде зиянды заттардың рұқсат етілген концентрациясының асып кеткені анықталды. Бұзушылықтар туралы Ресей тарапының хабарламаларына жауап келмеген», — деп мәлімдеді Экология министрлігі.

Сонымен қатар, 2023 жылғы қазан айында зымыран бөліктерінің құлауы жағдайы тіркелді. Одан кейін су мен топырақтың талдаулары жүргізіліп, қауіпті заттардың бар екенін растады.

Осыған байланысты, экология вице-министрі Жомарт Әлиев министрліктің құзыретіне халықты көшіру және өтемақы төлеу мәселелері кірмейтінін атап өтті.

Еске сала кетсек, Orda.kz тілшісі Бөкей ордасы ауданының тұрғынынан сұхбат алған болатын.

Зымыран сынақтарынан соң олардың қалдықтары Бөкей ордасы аумағына құлап, экология мен тұрғындардың денсаулығына кері әсер етіп жатыр. Өңірде 112 мүгедек бала бар, 400-дей адам радиация әсерінен мүгедек ретінде тіркелген. Тұрғындар әскери сынақтарды қалай жүргізгенін және радиация мөлшерін жергілікті органдар қадағаламайды деп дабыл қағып отыр.