Ресей мен АҚШ Украинаға қатысты талаптарын Трамптың бейбіт жоспары ретінде көрсетуге келісті

Юрий Ушаков Bloomberg-тің жазбасына байланысты пікірінде біреу Ресей мен АҚШ арасына от салу үшін олардың бір-біріне жазған хаттарын жариялап отырғанын мәлімдеді, деп хабарлайды Orda.kz.

Путиннің арнайы өкілі Кирилл Дмитриев те Уиткофф пен Ушаков арасындағы тарап жатқан әңгімелер шындыққа жанаспайтынын мәлімдеген.

«Мен Уиткоффпен жиі сөйлесемін, бірақ оның мазмұнына түсініктеме бермеймін. Дмитриевпен сөйлескенім секілді, кез келген адаммен телефон арқылы сөйлесе аламын», – деді Ушаков. 

Бұған дейін Bloomberg редакциясы Юрий Ушаков пен Кирилл Дмитриев Трамптың арнайы өкілі Стив Уиткоффпен сөйлескенін хабарлаған болатын. Жасырын әңгімеде олардың РФ ұсынбақ болған бейбітшілік жоспарының нұсқасын әзірлеуді талқылағаны айтылған.

Ал АҚШ президенті Дональд Трамп – бұл жағдайдың қалыпты екенін айтты.

«Бұл – қалыпты нәрсе, түсінесіз бе? Себебі ол Украинаны Ресейге “сату” керек деген ой емес, Украинаны көндіру мәселесі. Келіссөз жүргізуші осылай жұмыс істейді», – деді Трамп. 

Еске сала кетейік, АҚШ пен Ресей билігі Украинадағы соғысты тоқтату үшін жасырын түрде ауқымды жоспар құрып жатыр.