«Ресей Қазақстанға шетелге көкөніс сатуға тыйым салды»: БРИКС-ке қосылмау жайлы

Ресейдің ауыл шаруашылығын бақылау органы Қазақстаннан қызанақ, бұрыш, қауын, бидай, зығыр және жасымық сияқты өнімдерді уақытша импорттауға тыйым салды деп хабарлайды Orda.kz Politico сайтына сілтеме жасап. 

Бұл шешім Қазақстанның Ресей маңызды рөл атқаратын дамушы елдер блогына, яғни  БРИКС-ке қосылудан бас тартқаннан кейін қабылданды.

Қазақстан президентінің өкілі елдің жақын болашақта БРИКС-ке қосылу туралы өтініш бермейтінін мәлімдеді және БҰҰ Қауіпсіздік Кеңесін аймақтық державалардың мүдделерін ескере отырып реформалау қажеттілігін атап өтті. Бұл қадам Ресей президенті Владимир Путин үшін елеулі соққы болды. Cебебі ол БРИКС-ті Батысқа және Украинадағы соғысқа қатысты санкцияларға қарсы тұру құралы ретінде насихаттауға тырысады.

Путиннің баспасөз хатшысы Дмитрий Песков Қазақстанның Ресейдің стратегиялық серіктесі болып қала беретінін атап өтіп, БРИКС БҰҰ-ны толықтыратынын, оған қайшы келмейтінін айтты.

Сондай-ақ Мемлекет басшысы Astana Think Tank форумының қорытынды отырысында Ресейдің Украинадан жеңілмейтінін тағы бір мәрте айтқан болатын. 

Саясаттанушы Ғазиз Әбішев Orda.kz-ке берген пікірінде Қазақстанның бұл ұйымға кіруді жоспарламайтыны туралы ойын айтты.