Ресей Ақтау маңына құлаған AZAL ұшағына қатысты қылмыстық істі тоқтатты

Әзірбайжан мұндай шешімге қатты алаңдаушылық білдірді, деп хабарлайды Orda.kz Minval сайтына сілтеме жасай отырып.

Республиканың СІМ басшысы Жейхун Байрамовтың айтуынша, РФ тергеу комитетінің төрағасы Александр Бастрыкиннің AZAL ұшағының апаты бойынша қылмыстық істі тоқтату туралы хаты Баку үшін күтпеген жағдай болған.

Әзірбайжан тарабы бұл мәселе бойынша өзінің принципті ұстанымын білдірді. Дегенмен Баку ресми түрде Ресей президенті Душанбеде мәлімдегендей, істі қарау соңына дейін жеткізіледі деп есептейді.

«Біз бұл процестің екі ел көшбасшылары келіскендей аяқталатынына, яғни соңына дейін жететініне сенеміз», - деп мәлімдеді министр.

Жақында Қазақстанның Көлік министрлігі Azerbaijan Airlines авиакомпаниясының Embraer 190 ұшағының апатқа ұшырауын тексеру бойынша аралық хабарлама жариялады. Сараптама жарылғыш зат іздері жоқ екенін көрсетті. Ресми хабарламада көрсетілген: ұшақтың зақымдануы алдын ала металл фрагменттерден туындаған болуы мүмкін, бірақ олардың шығу тегін анықтау мүмкін болмады.

Еске салсақ әуе апаты 2024 жылдың 25 желтоқсанында болды. Баку-Грозный рейсін орындайтын ұшақ Ақтау маңында апатқа ұшырады. 38 адам, оның ішінде үш экипаж мүшесі қаза тапты, тағы 29 жолаушы жарақат алды.