Ресей 2030 жылға қарай автокөліктерге алкоқұлып орнатады

Ресей үкіметі 2030 жылға дейінгі жол қозғалысы қауіпсіздігін арттыру стратегиясын іске асыру жоспарын бекітті, деп хабарлайды Orda.kz.     

Құжатта жүргізушінің демінен алкоголь буы анықталған жағдайда қозғалтқыштың іске қосылуын бұғаттайтын жүйелерді әзірлеу және енгізу қарастырылған. Мұндай құрылғылар алкоқұлып деп аталады.     

Құжатқа сәйкес, салалық ведомстволар мұндай жүйелерді қолдану критерийлерін анықтауы тиіс. Жобаны іске асыруға Ресейдің өнеркәсіп және сауда министрлігі, Росстандарт, көлік министрлігі, ішкі істер министрлігі және цифрлық даму министрлігі жауап береді.

Стратегия жүргізушінің жағдайын бақылауға мүмкіндік беретін технологияларды да қарастырады. Атап айтқанда, олар ұйқышылдық белгілерін немесе жүргізушінің жолда алаңдауын анықтай алады. Сонымен қатар, қозғалыс жылдамдығын, жүргізу мәнерін және еңбек пен демалыс режимінің сақталуын бақылауға арналған құрылғыларды әзірлеу жоспарланып отыр.

Әзірге алкоқұлыптарды жаппай енгізу көзделіп отырған жоқ. Мұндай жүйелерді қолдану әртүрлі көлік түрлері мен тасымалдарды пайдалану кезіндегі ықтимал тәуекелдерге байланысты болады. Бұл шаралар жол қозғалысы қауіпсіздігін арттыруға және жол-көлік оқиғаларын азайтуға бағытталған.

Бұған дейін Ресей президенті Владамир  Путин алкогольдік масаңдық белгілері бар жүргізушілерге қатысты рәсімдерді жеңілдететін заңға қол қойған болатын. Енді жол полициясы қызметкерлеріне жүргізушіні көлік басқарудан шеттету туралы бөлек хаттама толтырудың қажеті жоқ, тиісті белгі басқа процессуалдық құжаттарға енгізілуі мүмкін. Бұл өзгерістер қағазбастылықты азайтуға да мүмкіндік береді.

Оқи отырырыңыз:

• Еліміз балаларға медициналық көмек көрсетудің гибридті моделін енгізеді
• 200 тоннадан астам зақымданған астық елге кіргізілмей, экспорттаушы елге қайтарылды
• Прокуратура Алматы облысында 800-ден астам құқықбұзушылықты анықтады