QazCovid вакцинасы: Сынақтың үшінші кезеңі басталды

Жамбылдың Қордай ауданындағы биологиялық қауіпсіздік проблемалары ғылыми-зерттеу институтында (БҚПҒЗИ) дайындалған Covid-19 инфекцияға қарсы вакцинаның үшінші кезеңі сынақтан өтіп жатыр.

26 желтоқсан Бердібек Сапарбаев Тараз ауруханасына барып, дәрігерлермен вакцинация туралы сөйлесті. Денсаулық сақтау басқармасының орынбасары Әсет Қалиев еріктілерге вакцина егу басталғанын хабарлады.

«Он күн ішінде мың жамбылдықты вакцинамен қамту жоспарлануда. Еріктілермен келісімшарт жасалынады. Егуден кейін субъектілердің антиденелері мен иммунитеті тексерістен өтеді. Бірінші және екінші кезең барысында 244 қазақстандық тестілеуге тартылды десек, олардың барлығында сәтті өтті. Жағымсыз реакциялар немесе асқынулар байқалған жоқ», - деді Қалиев.