Қарағандыда белгісіз біреулер полицейді жаралады

Шабуыл жасаушылардың бірі ұсталды.

Оқиға түскі уақыт шамасында болған. Белгісіз тұлғалар қару қолданып, жергілікті тұрғынның өміріне қастандық жасап, кейіннен көлікке отырып қашып кеткен.

Облыстық полиция департаментінің баспасөз қызметінен хабарлағандай, жедел-іздестіру шаралары нәтижесінде қылмыскерлердің көлігі қала сыртынан табылды.

Айыпталушылардың бірі қару қолданып, артынан қуған полицейлерден қашпақ болған. Оны ұстау кезінде жедел уәкіл жараланған, деп жазады ekaraganda.

«Оқиға полицияда тіркелді, мән-жайы анықталуда. Қазіргі уақытта оқиғаға қатысы бар қалған адамдарды ұстау шаралары жүргізілуде»  деп хабарлады ведомстводан.