Санжар Жаркешов QazaqGaz ұлттық компаниясындағы заңсыздықтар туралы айтты

Қайрат Шәріпбаевтың QazaqGaz ұлттық компаниясын басқарған уақытта жасаған түрлі әрекеттері айтылды.

Бұл туралы компанияның қазіргі басшысы Санжар Жаркешов Ulysmedia.kz порталына берген сұхбатында айтты.

– Біздің компаниямыздың балансында Алматының қақ ортасында бір элиталық, премиум кластағы тұрғын үй кешені бар екен.  Ондай үйдің шаршы метрі 300 мың теңгеден берілген. Бұл әділетті ме? Біздің ойымызша, бұл – әділетсіз. Баға негізі әлдеқайда жоғары ғой. Сол тұрғын үй бойынша қылмыстық іс қозғалды. Бұл іспен белсенді түрде айналысқан біраз адамдар табылды, - дейді Жаркешов.

Журналистің «Сізге дейінгі төраға ма?» деген нақтылау сұрағына ол «иә» деп жауап берді.

– Иә, туыстарына, достарына, тіпті компанияда қызмет етпейтін адамдарға да су тегін бағаға үлестіріп бермекші болған. Сондай ниет болған екен. Мұның барлығы тоқтатылды. Бұл іске қатысы бар адамдармен еңбек шарттарын бұздық. Құқық қорғау органдары жұмыс істеп жатыр, - дейді ол.