Қайрат Құдайбергеннің қамауға алу мерзімі екі айға ұзартылды

Алматы қаласы мәслихатының экс-депутаты Қайрат Құдайбергеннің қамауға алу мерзімі екі айға ұзартылды.

Бұл туралы Алматы қаласы мамандандырылған ауданаралық тергеу сотында мәлім болды.

«2023 жылғы 20 маусымда сот шешімімен сотқа дейінгі тергеп-тексеру органының өтінішхаты қанағаттандырылып, оған К.-ға қатысты қылмыстық іс материалдарымен танысу кезеңінде қамауда ұстау мерзімін ұзарту туралы, екі ай, яғни 2023 жылдың 21 тамызына дейін санкция берілді», - деді сот.

Айта кетейік, бұған дейін Қайрат Құдайберген сотқа дейінгі тергеу барысында тоғыз ай қамауда болған болатын. Қылмыстық іс материалдарымен танысу бойынша ол бес айдан бері тергеу изоляторында отыр.

Еске салайық, Алматы қаласы мәслихатының VII шақырылым депутаты, блогер Қайрат Құдайберген 2022 жылы 22 сәуірде қаңтар оқиғасына қатысты ұсталған болатын. Ол бір айға қамауға алынды, содан кейін қамауға алу мерзімі 21 маусымға дейін, кейінірек тағы бірнеше айға ұзартылды.