«Путин келмейді»: Украина мен Ресей арасындағы келіссөздер бүгін өтеді

Бүгін, 16 мамырда Стамбұлдағы ресейлік делегация көліссөз жүргізу үшін украиндық тарапты күтетінін мәлімдеді, деп хабарлайды Orda.kz. 

Бұл туралы Ресей делегациясының басшысы Владимир Мединский айтты. Ал президент Владимир Зеленский Түркияға қорғаныс министрі Рүстем Умеров бастаған делегацияны жібергенін мәлімдеді. Зеленский мәмілегерлерді Дональд Трамп пен Режеп Тайип Ердоғанды құрметтегендіктен аттандырғанын айтты. 

Сондай-ақ келіссөзге Путин де, Трамп та, тіпті Түркияға арнайы барған Украина президенті Владимир Зеленский де қатыспайтын болды. Ердоған ұсынған алаңға әр елдің өкілі ретінде көмекшілер мен министрлер келді.

Айта кетері, бүгінгі келіссөздерге АҚШ делегациясы қатыспайды. Мемлекеттік хатшы Марко Рубио Ресей Түркияға төмен деңгейдегі өкілдерін жібергенін алға тартты. Парсы шығанағындағы араб елдерінде сапарда жүрген Ақ үй басшысы Дональд Трамп бұл келіссөзден нәтиже күтпейтінін мәлімдеді.

Айта кетейік, Путин 15 мамырда Стамбұлда Киевпен тікелей келіссөздер жүргізуді ұсынған еді.