Путин 15 мамырда Стамбұлда Киевпен тікелей келіссөздер жүргізуді ұсынды

Ресей Президенті Владимир Путин Украинамен тікелей келіссөздерге дайын екенін мәлімдеді, деп хабарлайды Orda.kz.

Бұл туралы Ресей президенті жеңістің 80 жылдығына арналған іс-шаралардан кейін 11 мамыр күні кешке Кремльде журналистермен өткен кездесуде жария етті.

«Келер бейсенбіде, 15 мамырда Стамбұлда, сол бұрын кездесу өтіп, үзілген жерде кідіріссіз бастауды ұсынамыз», - деді Путин.

 Оның айтуынша, ұсыныс «ешқандай алдын ала шартсыз» бітімге қатысты. Сондай-ақ, ол Түркия президенті Режеп Тайып Ердоғанмен келіссөздерді ұйымдастыру мәселесін 11 мамыр күні күндіз немесе кешке талқылауды жоспарлап отырғанын хабарлады.

«Осы келіссөздер барысында жаңадан оқ атуды тоқтату туралы келісімге келуге болатынын жоққа шығармаймыз», - деді ол.

Ал кеше Украина президенті Владимир Зеленский өзінің телеграм-арнасында Франция, Германия, Польша, Ұлыбритания көшбасшыларының Киевтегі халықаралық кездесуінің қорытындысы бойынша бірлескен мәлімдемесін жариялады. Бұл келіссөздер «ниет білдірушілер коалициясы» аясында өтті.

Тараптар «дипломатия үшін кеңістік құру» үшін дүйсенбі, 12 мамырдан бастап кемінде 30 тәулікке оқ атуды толық және сөзсіз  тоқтатуды жақтады.

Ұсынылған татуласу құрлықты, әуе кеңістігі мен теңізді де, бәрін қамтитын болуы тиіс.