Президенттің ұлы 17 жылға сотталуы мүмкін

Джо Байденнің ұлы 17 жылға бас бостандығынан айырылуы мүмкін, деп хабарлады Orda.kz  BBC  сілтеме жасап.

Хантер Байден барлық тоғыз салық қылмысы бойынша кінәсін мойындады. Лос-Анджелестегі аудандық судья Марк Скарси оның өтінішін қабылдады. Үкім 16 желтоқсанға белгіленген. Бұл айыптармен Хантер 17 жылға дейін бас бостандығынан айырылады.

АҚШ президенті Джо Байден өз ұлының ешбір ісі бойынша кешірім жасамайтынын және «сот процесіне құрметпен қарайтынын» бірнеше рет мәлімдеді.

Еске сала кетсек, Orda.kz маусым айында сот АҚШ президенті Джо Байденнің ұлы Хантер Байденді заңсыз қару ұстағаны үшін кінәлі деп танығанын жазған болатын.