Президент құзырлы орындар шешімді созбалаңға салатынын сынады

Қазақстан президенті Қасым-Жомарт Тоқаев шетелдік сапарлар мен инвесторлармен кездесулер барысында қол жеткізілген инвестициялық келісімдерді іске асыру ерекше назарды талап ететінін мәлімдеді, деп хабарлайды Orda.kz.       

Оның айтуынша, тек өткен жылдың өзінде коммерциялық келісімдер шамамен 75 млрд АҚШ доллары болған, сондықтан оларды жүзеге асырудағы кез келген кідіріс пен орындалмай қалатын жағдайларға жол беруге болмайды.

«Бұл жұмыстың орындалуына жауапкершілік президент әкімшілігіне де жүктеледі.
Ашығын айтқанда, бізде мынадай жағымсыз үрдіс қалыптасқан: жоғары деңгейдегі келіссөздер дайындау кезінде өте қарқынды жұмыс жүргізіледі, алайда олар аяқталғаннан кейінгі барлық кейінгі іс-қимыл тоқтайды.
Бітпейтін ведомствоаралық келісулерді  тоқтататын уақыт келді. Үкімет дербестік сұрады және оны алды. Енді берілген мүмкіндіктерді іс жүзінде дұрыс пайдалану қажет.
Қол қойылған әрбір құжат сапалы әрі алдын ала пысықталуға, нақты мерзімдерге және орындалуын бақылау тетіктеріне ие болуы тиіс.
Түпкі нәтижеге қол жеткізу үшін бірінші басшылар жеке жауапкершілік арқалайды.
Мемлекет инвестор алдындағы өзіне алған міндеттемелерді толық әрі уақытында орындауға міндетті. Елдің іскерлік беделі мен оған деген сенім дәл осылай қалыптасады.
Үкімет елдің инвестициялық әлеуетін арттыруға, Қазақстанның бәсекелік артықшылықтарын дамытуға басымдық беруі тиіс», — деді мемлекет басшысы. 

Сонымен қатар мемлекет басшысы  жаппай цифрландыру мен жасанды интеллектті енгізу жеткілікті көлемде электр энергиясы өндірілмейінше мүмкін емес екенін атап өтті.

Оқи отырыңыз:

• Тоқаев үкімет отырысында Назарбаевты тілге тиек етті
• Тоқаев қазақстандық IT-жобалар көрсеткішіне күмән келтірді