Тоқаев Қазақстандағы электр энергиясы тапшылығын жоюды талап етті

Мемлекет басшысы жаппай цифрландыру мен жасанды интеллектті енгізу жеткілікті көлемде электр энергиясы өндірілмейінше мүмкін емес екенін атап өтті, деп хабарлайды  Orda.kz.       

Оның айтуынша, Қазақстан жыл сайын шамамен 3,7 млрд киловатт-сағат электр энергиясын импорттайды, ал электр энергиясын өндіретін қуаттар мен электр желілерінің тозу деңгейінің жоғары болуы мәселені одан әрі ушықтырып отыр.

«Энергия тапшылығы — прогресс жолындағы үлкен кедергі. Бұл факторды ескермей жоспар құру — арбаға атты сүйреткенен тең», — деді Қасым-Жомарт Тоқаев. 

Соңғы үш жылда «Тарифті инвестицияға айырбастау» бағдарламасы аясында энергетика саласына 1 трлн теңгеден астам қаражат бағытталған. Соның ішінде 900 млрд теңгеден астамы жөндеу жұмыстарына жұмсалып, небәрі 140 млрд теңге жаңа генерация қуаттарын іске қосуға бөлінген. Ал 123 млрд киловатт-сағат электр энергиясын өндіру ел қажеттіліктерін өтеу үшін жеткіліксіз екені айтылды.

Президент Үкіметтің 2029 жылға дейін 13,3 ГВт жаңа қуат көзін іске қосуды жоспарлап отырғанын жеткізді. Оның ішінде 5,9 ГВт — жаңартылатын энергия көздеріне тиесілі. Ал 2027 жылға қарай ел экономикасы электр энергиясына деген сұранысты 1,3 млрд киловатт-сағат көлеміндегі профицитпен қамтамасыз етуі тиіс. Сонымен қатар Мемлекет басшысы энергетикалық қуаттарды іске қосу мерзімдерін кейінге қалдыруға жол берілмейтінін қатаң ескертті.

«Негізгі мәселе — білікті мамандар тапшылығы. Энергетика мәселелерімен кәсіби деңгейі жеткіліксіз адамдар айналыса бастады. Бұл — жол беруге болмайтын жағдай», — деді президент. 

Қасым-Жомарт Тоқаев Үкіметке жоспарланған барлық энергетикалық қуаттарды уақтылы іске қосуды қамтамасыз етуді және салада жинақталған кемшіліктерді жоюды тапсырды.

Президент Қасым-Жомарт Тоқаев отырыс барысында ұсынылып отырған өзгерістер ауқымы негізгі конституцияны жаңартуды талап ететінін, жеке түзетулер жеткіліксіз болатынын айтты. Оның айтуынша, жобаның өзі кең қоғамдық талқылаудың нәтижесі саналады және елдің дамуының жаңа кезеңін көрсетеді.

Оқи отырыңыз:

• Тоқаев қазақстандық IT-жобалар көрсеткішіне күмән келтірді
• Тоқаев үкімет отырысында Назарбаевты тілге тиек етті