Президент қабылдауында болған Алматы әкімі не айтты?

Президент Алматы қаласының әлеуметтік-экономикалық дамуы жөніндегі баяндамасымен таныстырған қала әкімі Дархан Сатыбалдыны қабылдады, деп хабарлайды Orda.kz.      

Қала әкімінің айтуынша, 2025 жылы Алматының қысқа мерзімді экономикалық көрсеткіші 12,8%-ға дейін жеделдеп, бюджетке түскен салық түсімдері 6,6 трлн теңгеге жетіпті. Алматы экономикасы 12,8%-ға өсті деген әкім полицентрлі даму және тау кластері жоспарын таныстырды.

Әкім негізгі бастамалар қатарында жаңа IT-кластерлерді, іскерлік және рекреациялық аймақтарды құруды көздейтін полицентрлі даму моделіне көшуді ұсынды. Мәдени астанамыздың алдағы күндерінде жасыл желек алқаптары аумағын үш есеге — 3 800 гектарға дейін — ұлғайту, сондай-ақ жылдам қоғамдық көлікке басымдық беретін заманауи көлік қаңқасын қалыптастыру жоспарланып отыр.

Сондай-ақ Алматы тау кластері жобасына ерекше назар аударылғандығы айтылды. Бұл жоба «Шымбұлақ» пен «Ой-Қарағай» курорттарын біріктіреді. Жобаны іске асыру нәтижесінде аспалы жолдардың саны 16-дан 62-ге дейін артып, тау шаңғысы трассаларының жалпы ұзындығы 250 шақырымға дейін жетеді деген жоспар бар.

Кездесу соңында президент Алматы қаласының экономикасын одан әрі әртараптандыру, экологиялық жағдайын жақсарту, қаланың орнықты көлік және туристік инфрақұрылымын қалыптастыру, сондай-ақ қала ортасының сапасы мен тұрғындардың тұрмыс деңгейін арттыру жөнінде бірқатар тапсырма берді.

Оқи отырыңыз:

• Алматы қаласының жаңа әкімі қандай уәде берді
• Дархан Сатыбалды бірқатар аудан әкімдеріне сөгіс жариялап, орынбасарларын жұмыстан шығарды
• «Бұлай болмайды!»: Сатыбалды Алматыдағы құрылыстың тоқтап тұрғанына ашуланды