Қасым-Жомарт Тоқаев Нұр-Сұлтан әкімін қабылдады

Мемлекет басшысы коронавирусқа қарсы екпе жасалған жағдайда ғана азаматтар бір-біріне қауіп төндірмейтінін атап өтті.

Бұл туралы Orda.kz хабарлады.

Қазақстан Президенті Қасым-Жомарт Тоқаев Нұр-Сұлтан қаласының әкімі Алтай Көлгіновті қабылдады, деп хабарлады Ақорда.

Әкім елордадағы эпидемиологиялық ахуалды тұрақтандыру және вакцинациялау шаралары туралы баяндады.

– Қасым-Жомарт Тоқаев азаматтар коронавирусқа қарсы екпені тезірек алған жағдайда ғана қоғамдық орындарда бір-біріне қауіп төндірмейтінін, бизнес жандана түсетінін, қызметкерлердің жұмыс орындарына алаңдамай баруына және халықтың қалыпты өмірге қайта оралуына толық мүмкіндік болатынын айтты, - делінген хабарламада.

Президент елорда әкіміне:

• азаматтарға уақтылы және жаппай вакцинация жасауды ұйымдастыруды
• эпидемиологиялық жағдайды бақылауды
• тұрғындардың денсаулығын қорғаудың басқа шараларын қабылдауды тапсырды.

Алтай Көлгінов сонымен қатар үш ауысымды мектептер мәселесін, жаңа білім беру мекемелерін салу және кезекте тұрған азаматтарды қол жетімді тұрғын үймен қамтамасыз ету арқылы шешу туралы айтты.

Қасым-Жомарт Тоқаев Алтай Көлгіновке қаланы газдандыру, инвестиция тарту, жұмыспен қамтудың жол картасын тиімді жүзеге асыру, шағын және орта бизнесті қолдау бойынша тапсырмалар берді.