Полиция Алматы стадионындағы жанкүйерлер төбелесінің видеосын түсіндірді

Сейсенбі күні Алматыда «Қайрат» пен «Каспий» футбол командалары арасында Премьер-Лига матчы өтті.

Желіде жанкүйерлер арасында орын алған төбелестің видеосы жарияланды. Бұл Алматы стадионында футбол матчы кезінде болған. Кадрлар арасында құқық қорғау органдарының қызметкерлері де бар.

Алматы полиция департаментінің баспасөз қызметі видеоға қатысты пікір білдірді:

«Орталық стадионда футбол матчы кезінде тәртіпті қамтамасыз ету бойынша кезекшілік атқарған полиция күштері адам көп жиналатын орындарда пайдалануға тыйым салынған шамдарды жағу фактілерінің жолын кесті. Одан әрі қоғамдық тәртіпті бұзудың алдын алу мақсатында жанкүйерлермен құқықтық түсіндірме әңгіме жүргізілді».