Полиция Қызылордадағы сыныптастары жөзекшелікке салған 16 жастағы қызға қатысты мәлімдеме жасады

Өз сыныптастары жезөкшелікке сатып жіберген қызылордалық 16 жастағы оқушы қыздың оқиғасы тамыз айының басында ғаламторды дүр сілкіндірді.

Оқиға туралы #НеМолчиKZ қорының президенті Дина Таңсәрі егжей-тегжейлі айтып берді.

Ішкі істер министрлігі жалған ақпарат таратқаны үшін жауапкершілік барын еске салып, азаматтарды бұл жағдай туралы жалған ақпарат таратпауға шақырды.

«Әлеуметтік желілерде «Қызылордалық мектептің ұйымдасқан қылмыстық тобының мүшелері сыныптасын сексуалдық құлдықта ұстады» деген тақырыпта көптеген жалған ақпарат шығып, әлеуметтік желілер арқылы тарап жатыр», - деп хабарлады полиция қызметкерлері.

Аталған факті бойынша қылмыстық іс қозғалып, кәмелетке толмаған күдіктілер қамауға алынды. Қажетті сараптамалар мен тергеу амалдары жүргізіледі.

Алайда тергеу соты оларды «үйқамаққа» жіберу туралы үкім шығарды.

Мұны білген құқық қорғаушы Дина Таңсәрі дабыл қақты. Дегенмен, ішкі істер министрлігі зардап шеккен тараптың шараларына назар аударып отыр.

«Зардап шеккен тарап алты ай бойы құқық қорғау органдарына хабарласпаған. Ата-анасының кәмелетке толмаған балаларды тәрбиелеу жөніндегі міндеттерін орындамауы салдарынан күдіктілердің ата-анасына қатысты қылмыстық іс қозғалып, тергеу амалдары жүргізілуде» деп хабарлады ведомство.

Қызылордалық оқушы қыздың жағдайын баяндаған  Дина Таңсәрі қыздың ата-анасына құқық қорғаушы қысым жасап, оларды ата-аналық құқығынан айырамыз деп қорқытқанын, соның салдарынан арыз жазудан қорқып, жоғалған қызды өз бетінше іздегенін айтты.