Петропавл маңындағы орманда үсіп қалған 18 жастағы жігіттің денесі табылды

Петропавл қаласы маңындағы орманнан жоғалғанына 20 күн болған 18 жастағы қала тұрғынының мәйіті табылды, деп хабарлайды Orda.kz. 

Жас жігіт 14 қаңтар күні кафедегі жұмысы аяқталған соң таксимен туберкулез диспансеріне дейін барған. Кейін хабар-ошарсыз кеткен. Жігіт жоғалған кезде өңірде 30 градусқа дейін аяз болған.

18 жастағы жігіттің мәйіті емдеу мекемесінің артындағы орманнан табылды. Оның орманға не себеппен барғаны тергеу барысында анықталады. 

Полицияға хабар-ошарсыз кеткен жігіт туралы туысы тек 1 ақпан күні арызданған. Іздеу жұмыстарына құқық қорғау органдары, кинологтар, әскери қызметшілер, ТЖД жедел-құтқару жасағының қызметкерлері мен еріктілер тартылды.

 
Еске салсақ, 14 қаңтар күні Солтүстік Қазақстанда жоғалған 75 жастағы әйел  аязда қалып, үсікке ұрынып көз жұмған болатын.

Оқи отырыңыз:

• Еліміздің шығысында -45 градусқа дейін суытады: 12 облыста дауылды ескерту жарияланды
• Қарағанды әкімі cуықтан тоңғандарға жылы киінуге кеңес берді
• Семейде аяздан көпір жарылып қалды