Перизат Қайратпен серіктес болған құрылыс компаниясынан ілік шықты
Фото: Инстаграм @01pk
Астанада 30-дан астам үлескер Перизат Қайраттың қайырымдылық ісінде аты аталған құрылыс компаниясын сотқа берді, деп хабарлайды Orda.kz.
Компанияға үлескерлер 50 млн-нан 80 млн теңгеге дейін қаражат құйған. Бұл компанияның аты белсенді Перизат Қайраттың қайырымдылық ісінде де аталған. Онда такси жүргізіп, танымал болған жалғызбасты ана Әсел Омарға пәтер берілуі керек болған. Бірақ компания Әсел Омарға үй алып берудің орнына, тек оның пәтерақысын төлеп келіпті. Одан бөлек, MM Group компаниясы басқа да қайырымдылық қорларынан 20 үйді таратып беретін болған.
«Біз мамыр айынан бастап оның пәтерақысын төлеп келдік. Квитанциялары бар. Желтоқсан айында «Мені алдап кетті» деп сұхбат бере бастаған соң төлемдерді тоқтаттық. Компания өз міндеттерінен бас тартпайды. Келісімге отырған қорларға уәде еткен пәтерлерді береміз. Біздің компания барлық келісімдерді алып, сараптамадан өткен еді. Бірақ әкімдік ол жер телімін қаланы абаттандыру мақсатында бізден алатынын хабарлады», - дейді MM Group компаниясының басшысы.
Бірақ сәулет, қала құрылысы және жер қатынастары басқармасы MM Group компаниясы аталған мекенжай бойынша құрылыс жүргізуге рұқсат алмағанын мәлімдеді.
«2023 жылдың 25 қыркүйегіндегі № 510-1973 қаулысына сәйкес бұл жер телімі «Астана қаласы Байқоңыр ауданы әкімі аппаратына» уақытша өтеулі жер пайдалану құқығымен тек абаттандыру және көлік тұрағын салу мақсатында берілген. Аталған пайдалану құқығы құрылыс жүргізу және қоршау орнату құқығын қарастырмайды. Пайдалану құқығының мерзімі 2026 жылдың 25 қыркүйегіне дейін. Сонымен қатар Астана қаласының Бас жоспарына және аталған ауданның егжей-тегжейлі жоспарлау жобасына сәйкес бұл учаскеде көпқабатты тұрғын үй кешенін салу жоспарланбаған және жоспарланбайды да», – деді Астана қаласының Сәулет, қала құрылысы және жер қатынастары басқармасы басшылары.
Одан бөлек, компанияның өзге өңірлерде де аяқсыз қалған құрылыстары бар болып шықты.
Жаңалықтар
- Қазақстандық боксшы Санжар Тәшкенбай әлем кубогында топ жарды
- Ақтөбеде қатты дауыл үйлердің шатырын ұшырып, жабындыларды жұлып алды
- Берлин жұрты Шпрее өзенінде шомылуға салынған 101 жылдық тыйымға қарсы шықты
- Қазақстан – сенімді одақтасымыз: Мемлекет басшысы Саида Мирзиёеваны қабылдады
- Қылмыстық жауапкершілік 12 жастан: Еуроодақ елдерінде жасөспірімдерге жаза қатаймақ
- Ақмола облысында полиция заңсыз айналымнан 30 миллион теңгенің синтетикалық есірткісін тәркіледі
- Ормуз дауы: АҚШ пен Иран арасындағы келіссөз 21 маусымда Швейцарияда өтеді
- Назым Қызайбай Қытайда өткен бокстан Әлем кубогында алтын медаль жеңіп алды
- Кураторлары шетелде: 105 келіден асатын есірткіні көлік дөңгелегіне жасырған ҰҚТ ұсталды
- Әлем чемпионаты: Нидерланд Швецияны 5:1 есебімен ұтты
- Қазақстан Ауғанстанға бидайдан бастап жасанды интеллектке дейін апарды
- Қазақстан, Қырғызстан және Өзбекстан Бішкекте энергетикалық жүйе мәселелерін талқылады
- Алматыдағы заңсыз салынған «Береке» базары бұзылды
- Таразда түрмеге жасырын камерасы бар көзілдірік өткізбек болған
- Ақтөбедегі көлік өртеніп, үш адам қаза тапқан оқиғаға қатысты газ құю бекетінің иесі ұсталды
- Әміре Қашаубаевтың дауысы жазылған сирек пластинка Бұқар жырау атындағы мұражайда сақтаулы
- Министрлік: Декреттегі аналардың курьер болып нәпақа табуы әлеуметтік төлемдерден айыруға себеп емес
- Гашиш контрабандасымен айналысып, қашып жүрген әйел Қырғызстаннан экстрадицияланды
- ЖИ мамандары алғаш рет «Болашақ» бағдарламасы бойынша тағылымдамадан өтеді
- Интерпол іздеген: Instagram арқылы жұртты алдаған ер адам Түркиядан Қазақстанға жеткізілді
