Павлодарда тәрбиеші мүгедек балаларды ұрып-соққан

Бас прокуратура Павлодарда арнаулы әлеуметтік қызмет көрсететін ұйымдарды тексеріп, тәрбиешінің балаларды ұрып-соққанын анықтады, деп хабарлайды Orda.kz. 

Тексеріс барысында облыстық психоневрологиялық балалар орталығында тәрбиешінің балаларды ұрып-соққаны анықталды.

Тәрбиешінің әрекеті бейнебақылау камерасына түсіп қалған. Соққыға жығылған балалар дәрменсіз және психоневрологиялық патологиясы бар. Кәмелетке толмағандарды қинау бойынша тергеп-тексеру жұмыстары басталды.