Талғар ауданына жаңа прокурор тағайындалды

Шерзат ісінен кейін үлкен резонанс туды. Атышулы Талғар ауданына жаңа прокурор тағайындалды, деп хабарлайды Orda.kz.

Алматы облысы прокурорының бірінші орынбасары Дамир Қатаев Ерлан Тағаевты жаңа прокурор ретінде таныстырды. Ерлан Тағаев бұған дейін еліміздің бірнеше өңірінде прокурор болып қызмет атқарған.

Тағаевтың мансабы Алматы облысында басталды. Сондай-ақ, ол  Қарағанды және Шығыс Қазақстан облыстарында прокурорлық қызмет атқарды. Ол Курчатов, Күршім, Аягөз, Абай және Жаңасемей қалалары мен аудандарында прокурор болды.

Еске сала кетейік, Алматы облысы прокурорының орынбасары Саян Бәкіров пен Талғар ауданының прокуроры Ескендір Бекманов 18 қазанда  Бас прокурордың бұйрығымен атқаратын қызметтерінен босатылды.