Павлодарда полицей әйелдің денесін өртеп жіберген

Ақсу қаласының маңайында өртенген әйел адамдың денесі табылды. Полиция қызметкері қамалды деп хабарлайды Orda.kz.

Павлодар облысында ферроқорытынды зауытынан Ақсу қаласына 3 шақырым жерде белгісіз әйел адамның денесі табылды. Полиция департаментінің мәліметінше, іске полиция қызметкері айыпталып отыр.

«Ақсу қаласының маңайында болған әйел өліміне қатысты іс қозғалды. Полиция қызметкері ұсталып, уақытша ұстау изоляторына қамалды. Оқиғаның барлық мән-жайын анықтауға бағытталған қажетті тергеу шаралары жүргізіліп жатыр», деп жауап берді полиция департаменті. 

Айта кетейік, бейнероликте әйелдің денесі түгелдей дерлік жанып кеткен. Кей ресми емес БАҚ әйел әуелі зорланған болуы мүмкін деп болжап отыр.

Оқи отырыңыз:

• Талғардағы сұмдық: Өлтірілген жігіттің туыстары оқиға туралы айтып берді
• СІМ Дубайда өмір бойына сотталған 22 жастағы қазақстандықтың ісіне қатысты пікір білдірді
• Қызылордада ауылдық клубтың директоры мен есепшісі 10 жыл бойы бюджет қаражатын жымқырып келген