Павлодарда мектептің мас күзетшісі оқушыны соққыға жықты

Павлодарда мектеп күзетшісі 6-сынып оқушысын ұрды. Ақпаратты аймақтағы полиция департаментінің баспасөз қызметі растады, деп хабарлайды Orda.kz. 

Облыстық полицияның хабарлауынша, мектеп күзетшісі мас күйінде 6-сынып оқушысының кеуде тұсын соққан. Оқиға 19 ақпан күні болды. 

Соққы салдарынан оқушы ауруханаға жүгінуге мәжбүр болған. Күзетші медициналық айықтырғыш мекемесіне орналастырылды. Ол қоғамдық орында мас жүргені үшін жауапқа тартылды. Оған айыппұл салынды. 

Сондай-ақ полиция білім басқармасына мектеп басшылығын жауапкершілікке тарту туралы ұсыныс жолдады.