Павлодарда мектеп оқушысын зорлаған футбол менеджері өмір бойына сотталды

Павлодарда балалар футбол клубының менеджері мектеп оқушысын зорлады. Ер адам өмір бойына сотталды, деп хабарлайды Orda.kz. 

Үкім шыққаннан кейін ер адам сот залында көзіне жас алды. Ол кәмелетке толмағандарға қатысты жыныстық зорлық-зомбылық әрекеттері мен психотроптық заттарды қолданғаны үшін кінәлі деп танылды. 31 жастағы менеджер өз кінәсін мойындады.

Мәліметтерге сүйенсек, былтыр 1 қыркүйекте ер адам 2013 жылғы қызды зорлаған. Ол қыздың жыныс мүшелеріне қолын тигізіп, айқайламас үшін қыздың аузын жауып тұрған. Әрі қызға есірткі береді. Кейін қызды үйінің ауласына әкеп тастайды. Сотта менеджер бар іс-әрекетті есірткіге мас күйде жасағанын және ештеңе есінде жоқ екенін айтты.

Сондай-ақ ол жәбірленушінің отбасына үш миллион теңге көлемінде моральдық зиян өтемақы төлейді.