Павлодарда колонияның бұрынғы бастығы сотталды

Павлодарда колонияның экс-басшысына сот үкімі шықты, деп хабарлайды Pavlodarnews.kz.

Павлодар қаласының қылмыстық-атқару жүйесі мекемесінің қауіпсіздік деңгейі төмен мекемесінің басшысы бола тұра, сотталушы өткен жылдың қаңтар айында кеңседегі орын үшін - пара алған. Бір айдан кейін ол жалпы қамқорлығы үшін басқа сотталғандардан үш миллион теңге пара бопсалаған, деп хабарлады Павлодар қаласының №2 соты.

Колонияның экс-басшысы сотта өз кінәсін мойындап, оны қатаң жазаламауды сұрады. Сонымен қатар, асырауында төрт кішкентай баланың болуын ескеріліп, ол үш жыл алты айға бас бостандығынан айырылды. Сондай-ақ өмір бойына мемлекеттік қызметте жұмыс істеуге тыйым салынды. Үкім заңды күшіне енген жоқ.