Павлодарда балалар 7 жастағы баланы аяусыз соққыға жықты

Павлодардың жаңа тұрғын үй кешендерінің бірінде 8 бен 12 жас аралығындағы балалар 7 жастағы баланы жабылып, аяусыз соққыға жықты, деп хабарлайды Orda.kz.

Зардап шеккен баланың анасының айтуынша, оның ұлын алдымен кіреберісте, кейін футбол алаңында ұрған. Анасының айтуынша, бұл жасөспірімдер ылғи басқа балаларға күн көрсетпейді. Дәлірек айтқанда ауладағы басқа балаларды қорлайды.

Павлодар облысының полиция департаменті бейне арқылы балалар туралы деректерді анықтап, олардың ата-аналары әкімшілік жауапкершілікке тартылғанын мәлімдеді. Іс сотқа жіберілді, содан кейін оларды Павлодар әкімдігі жанындағы кәмелетке толмағандардың істері және олардың құқықтарын қорғау жөніндегі комиссия қарайды.

Айта кетейік, бұған дейін Семейде оқушыны соққыға жыққан жасөспірімдерге қатысты сот үкімі шыққаны туралы хабарлаған болатынбыз.